Love is eternal…

Mitaali: Jaan, mujhe ice-cream khani hai.
Naksh: Uffho, itni mushkil se ghar walon se chhup-chhupa ke humein ek doosre ke liye yahan park me thoda sa waqt milta hai, kuch pyaar bhari baatein karne ka, aur tum ko ice-cream ki padi hai.
Mitaali: haan, usse aur pyaar badhta hai na isliye.
Naksh: wo kaise?
Mitaali: Tum jab ice-cream khate ho na, to tumhari naak pe lag jati hai, fir main use pochhne ke bahane dhire dhire tumhare aur pas aake baith jati hun.
Naksh: Aur tabhi wo sec-23 wali bhi to humein dekh ke muskurate hue jati hai na?
Mitaali: Haan haan jao use hi dekh lo, fir kehte ho mere paas time nahi hota.
Naksh: Are nahi pagli, dekhta to main teri jalan hun us waqt, aisa lagta hai, rabb ne sirf ise hi banaya hai mere liye .
Mitaali: chalo chhodo ab, tang kar ke fir patana to koi tumse seekhe.
Naksh: Tum meri dua, mera khwab ho jaaneman. Ab to pyaar shabd bhi kam padega wo jatane ko jo main tumse karta hun.
Mitaali: Aur tum sirf mere . Kaash ki har din har pal sham ke in kuch ghanto ki tarah hote, hum yunhi khuli hawa me haath me haath dale, bas ek dusre ko dekhte aur…
Naksh: Kya hua? Ruk kyun gai, bolo na…
Mitaali: Aur ice-cream khate 
Naksh: Tum bhi na, are sardi lag jaegi, itni badi ho gai ho tab bhi bachchon jaisi zidd karti ho.
Mitaali: Sardi lagegi tumko, main to abhi jawan hun…
Tabhi park me khel rahe 2 bachche unke paas aate hain, ladka yahi koi 10 saal ka hoga, ladki 15 saal ki.
Bachche kamar pe hath rakhe, ek saath bole:

Dadu, Dadi aap dono fir se ice-cream ke liye lad re ho??

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s